اس سے قبل ٹاس جیت کر پہلے بیٹنگ کرتے ہوئے جنوبی افریقہ کی شروعات بھی اچھی نہیں رہی۔ کوئنٹن ڈی کاک صرف 6 رن بنا کر جسپریت بمراہ کی گیند پر بولڈ ہو گئے۔ کپتان ایڈن مارکرم 4 رن بنا کر ارشدیپ سنگھ کا شکار بنے جبکہ ریان رکلٹن 7 رن پر پویلین لوٹ گئے۔ 20 رن پر تین وکٹ گرنے کے بعد ڈیوالڈ بریوس اور ڈیوڈ ملر نے ذمہ داری سنبھالی۔
دونوں بلے بازوں نے چوتھی وکٹ کے لیے 97 رن کی اہم شراکت قائم کی۔ بریوس نے 29 گیندوں پر 45 رن بنائے جبکہ ڈیوڈ ملر نے 35 گیندوں پر 63 رن کی جارحانہ اننگز کھیلی جس میں سات چوکے اور تین چھکے شامل تھے۔ ٹرسٹن اسٹبس نے 24 گیندوں پر ناقابل شکست 44 رن بنا کر ٹیم کو 20 اوور میں 187 رن تک پہنچایا۔
https://www.qaumiawaz.com/cricket/english-headline-south-africa-end-indias-winning-streak-with-76-run-victory-in-super-8